Entertainment

John Abraham pora khor nudhaka manu khan logot modot kuri ase

Mumbai:12 sal pora loikena actor John Abraham toh phal kam kuribole tai lag adat dhakishe,etu NGO pora khor nudhaka khan ke khaor aro bhat di dhake.

John pora etu laga initiative loilebe, hosa laga diya khan toh desh laga School te dhakya student khan ase, tai khan pora five crore rupees jama kuri kena four lakh khaor bonai se etya tok toh.

Ulap ake te actor logot te kodha kura somoi te,Dukh pai kena modot kura bacha khan ke kushi laga kodha kurishe,aro koi she, “moikhan laga real heroes pora four lakhs khor bonai loishe,”aro etu bhi koise ke, “Aro bhi moikhan dukhya khan karne khor bona bole mon jai aro moi sob ke moikhan laga society phal hobole karne modot mangi bole pare.”

John laga modot aro phal kam kura pora bacha khan ke bishi mon tangor kuri di kena Student khan drive te samil kurishe.Actor pora ektam hosa kodha enika koishe, “Heroes toh Khao aro Tagat tangor dhaka ke kowa nahoi. Etu students khan hi hosa laga heroes ase.”

Tai laga kam te tai laga next film Batla House, Nikkhil Advani pora direct kura toh blitz krieg speed te shot kuri ashe. “etya tok khodam toh howa nai. Aro ekta tangor kam bachi kena ashe,”tai pora koishe.