THOUBAL| March 20: Manipur Chief minister N. Biren Singh pora Monday te tai laga state laga manu khan ke BJP lafga nijete twei saal bithor te podli aniya aro Congress laga nijete 15 saal te podli aniya ke milaikena sabo karne koise aro nijor pora dekhibo karne ki state te BJP government thakiya toh kiman bhal ase.
Tai toh BASU ground, Khangabok te BJP Khangabok Mandal pora organise koriya ekta political conference te kotha kori thakise. N. Biren toh etu deyohar te chief guest karne kotha koriya samoy te koise Congress laga 15 saal raj samoy te, manu khan nimite party pora koriya kaam toh khali sepahi te manu khan nijor laga maati khan bikiri korikena post khenikena halise.
Etu CM pora bi koise ki ahiya Lok Sabha election te tai khan laga allied parties khan logote milaikena election jitibo koikena mon dangor ase.
Tai pora etu bi koise ki ketiya BJP –led government toh state te power te ahise, etu samoy te Manipur toh besi diktar te thakise aro besi aalag mamla bi thakise, tate aathta laas toh Churachandpur district te 600 din pora besi najulai kena thakise; twei-teen mohoina pora besi lamba national highways te economic blockades thakise aro etu nimite manu khan petrol pump te khali ekta litre petrol pabo nimite raat bhor buhise.
Add Comment