Kathmandu: Officials koishe ke Nepal laga Gorkha district te halka para mati helishe. Etu toh Tuesday din te 160 km genika te hoishe. Mati hela toh Himalayan desh laga capital te bhi ahesas (feel) kurishe.
Tai khan para aro koishe ke saman khan toh biya huwa laga eku khobor nai. Nepal laga National Seismological Centre (NSC) hesab te Gorkha district te 4.5-magnitude laga mati helishe. Etu toh 12:35 pm (local time) te hoishe.
NSC officials koishe ke mati hela toh Kathmandu jaga te bhi feel kurishe. Hoile bhi saman khan biya huwa laga eku khobor nai. Jua panch din bhitor te 4.5 magnitude para opor aha teenta earthquake ase. Saturday din te desh laga Rasuwa district te 4.6-magnitude earthquake ahishe. Sunday din te ekdam dur west te Bajhang district te 4.8-magnitude earthquake ahishe.
April 2015 te Nepal laga Gorkha district te ekdam gara earthquake ahishe. Etu mati hela nimite nou hazar (9000) manu khan murishe.
Add Comment