Agencies: Saturday te Manchester United toh Premier League te fourth place te uthishe. Fulham khilaf te Anthony Martial para United nimite dusra goal marishe. Manchester United toh Fulham khilaf te 3-0 para jeetishe. Ole Gunnar Solskjaer laga side toh Paul Pogba laga modot para match te early lead paishe. Hoile bhi martial para sob attention toh loi loishe. Winger Martial toh pitch laga adha genika length para race kuri kene half time hubole olop samay bachi kena thaka samay te dusra goal mari dishe. Etu match toh Fulham laga Craven Cottage te hoishe.
United toh etiya Chelsea para ekta point nimite fourth place te ase.
Aro Liverpool toh Premier League te wapas top spot te ahishe. Liverpool nimite Sadio Mane, Georginio Wijnaldum aro Mohamed Salah para Bournemouth khilaf te 3-0 mari kena jeetishe. Liverpool aro Bournmouth khilaf te match toh Saturday te hoishe.
Bar-bar Liverpool toh Leicester aro West Ham laga khilaf te Jurgen Klopp matches toh draw kura nimite. Goal difference nimite hafta majote Manchester City toh Liverpool laga opor tea hi jaishele.
Hoile bhi Liverpool toh tai khan laga game laga pura advantage loi kena Premier League champions para teenta points laga lead toh loi loishe. Aro etiya Liverpool para Manchester City opor te pressure wapas de dishe.
Manchester United toh May 2009 pichete first time sob competitions laga choita lagatar away games te jeetishe. United toh top four te nijor laga jaga banbole pura kosis kuri ase.
Jose Mourinho toh United te thaka samay te tai khan etu positions khan para 11 points du rte thakishe. Jose Mourinho ke December te tai kaam para olai dishe.
Solskjaer para Mourinho ke bodoli kuri diya pichete United toh egarta (11) matches para dosta (10) matches sob competitions te jeetishe.
United toh tai khan laga former striker Solskjaer under te etiya bhi nahari kena ase. Etu nimite Solskjaer toh United laga permanent boss hubole genika ase.
Add Comment