Saudi Crown Prince Mohammad bin Salman laga Pakistan visit tohek din pora deri korise. Tai toh etiya desh te twei-din visit toh February 17 (Sunday) pora shuru koribole ahibo koise, Pakistan laga Foreign Ministry pora Friday te koise.
Pohoila, etu Saudi Crown Prince toh Islamabad te Saturday te ahibole thakise, hoilebi etu visit toh ek din pora deri kori dise. Pakistan foreign ministry pora schedule podli koriya laga ekko karan janai diya nai, aro koise ki bilateral engagements “podli howa nai,” The Dawn pora khobor korise.
Saudi Crown Prince logote high-level delegation, tate royal family laga members, ministers aro businessmen khan ahibo.
Etu toh 2017 te raja hobole janaiya bicche te Pakistan te Saudi Crown Prince laga sobse pohoila visit ase. Pakistani capital te tai na ahiya aage te Security besi othai se.
Schedule te ajanak podli howa toh Saudi Arabia pora Jammu and Kashmir laga Pulwama district te adangwati hamla koriya pora 40 CRPF sepahi moriya ke besi dagot pora bodnam koriya bicche te hoise. Pakistan-backed Jaish-e-Mohammed (JeM) pora etu hamla laga zimmedari loise.
Etu hamla ke bodnam korikena, Saudi Arabia pora Friday te terrorism aro extremism logote khilaf India logote support koriya janai dise aro jokham howa khan ke joldi bhal hobole salam janai dise..
Jowa mohoina, Saudi Arabia pora Pakistan ke USD 3 billion dibole maanise.
Pakistan te jowa bicche te, etu Saudi Crown Prince toh India te February 19 pora shuru pohoila wala twei-din visit thakibo.
Add Comment