SRINAGAR: Jammu aro Kashmir laga Pulwama district te attanki hamla huwa olop din pichete khobor ahi ase desh laga alak alak hissa para Kashmiri manu khan ke target kuri ase. Etu nimite tai khan laga safety toh sai rakhibole advisory issue kuribole koishe. Pulwama hamla khilaf te Kashmir te shutdown hoi kena ase.
Home Ministry official koishe Pulwama attanki hamla pichete khobor ahi ase ke Jammu aro Kashmir te thaka manu khan aro kunba students khan dhamki pai ase koishe.
Home Ministry official koishe etu nimite MHA para jua kali sob states aro UTs ke advisory issue kurishe ke Kashmiri khan laga safety aro security nimite necessary measures lubole koishe.
News agency PTI khobor hesab te Dehradun te kunba Kashmiri puri (studying) thaka tenants khan ke ghor malik khan para achanak (suddenly)ghor khali kuribole koishe. Ghor malik khan toh tai khan laga property te hamla hubole bhoi kuri ase koishe. Etu genika he khobor Haryana aro Bihar para bhi paishe.
Patna te Kashmiri traders khan para NDTV ke koishe ke tai khan opor te mob para hamla kurishe.
Kashmir para aha trader Bashir Ahmed NDTV ke koishe ke olop manu khan lathi (sticks) loi ahi kena tai laga dhukan bahar te khara kurishe. Aro tai khan slogans kubole suru kurishe. Etu samay te moi Pulwama hamla opor te khobor na pai kena thakishe. Hoile bhi tai kjhan para ami khan laga saman pura biya kuri dishe aro moi aro moi nichete kaam kura manu khan sob ke marishe.
Jammu te dozens gari khan julaishe, aro etu nimite tate curfew lagai kena ase.
Add Comment