Lucknow: Wednesday din te Gorakhpur para BJP candidate Ravi Kishan toh Uttar Pradesh Chief Minister Yogi Adityanath ke lok kurishe. Yogi Adityanath toh etu seat para purana MP thakishe.
Bhojpuri actor toh chief minister laga ashirbat loi kena Gorakhpur constituency jeetibole aro bishas dangor kurishe. Etiya samay te etu constituency toh Samajwadi Party khan para cholai ase. Baba Gorakhnath aro Yogi Adityanath laga ashirbat moi opor te ase moi nimite Gorakhpur te eku challenge nai. Prime Minister Narendar Modi par kaam kura nimite ami khan opor te manu khan laga ashirbat (blessing) ase.
Ravi Kishan koishe ke judi opposition parties khan toh power te ahile ‘Gathbandhan’ (anti-BJP alliance) para desh ke alak kuri dibo. Manu khan bishi kotha pahuribole (forget) de ase. Ami khan sob ghor te jabo aro manu khan ke alak alak welfare schemes aro projects khan laga kotha kubo.
Ravi Kishan koishe ke general election toh ekta larai ase. Aro etu toh selfless prime minister aro alak alak parties khan majote larai ase.
Gorakhpur toh May 19 te polls suru hubole ase. Aro etu toh saath phase Lok Sabha elections laga akhri phase ase.
Add Comment