Agencies: Team India laga opener Shikhar Dhawan koishe tai Jammu aro Kashmir laga Pulwama district te huwa attanki hamla te sipai murija khan laga families khan ke poisa doinate kuribo koishe. Shikhar Dhawan Twitter te emotional video post kuri kena tai laga fans aro sob Indians khan kea gay ahi kena sahid (Martyr) soldiers khan ke modot kuribole agay ahibole koishe. Etu toh ami khan sob bhi kuribole lagay koishe.
Saturday te Virender Sehwag koishe tai sob murija CRPF personnel khan laga bacha khan laga pura-likha toh sai dibo koishe.
Former Indian cricketer Twitter duwara koishe etu toh tai nimite bishi khushi laga kotha hubo ke tai sahid huwa sipai khan laga bacha khan laga education toh sposor kuribole parile.
Ami khan ke kurile bhi kom ase koishe.
Boxer Vijender Singh kun Haryana Police te employee ase. Tai tai laga moina laga salary toh donate kuri ase.
Vidarbha captain Faiz Fazal para announce kurishe ke Irani Cup te team para jeeta prize poisa toh murija CRPF personnel laga families khan ke donate kuri dibo koishe.
Fazal koishe ami khan laga team para decide kurishe ke jeeta poisa toh ami khan para Pulwama te murija CRPF khan laga families khan ke dibo.
Add Comment