Himanta Biswa Sarma : BJP para Assam te 20% muslim vote pabole aim kuri asey

Guwahati, April 29 : Assam tu Western Assam aro Guwahati laga baki 4ta Lok Sabha seat te voting laga final phase nimitey tayari kuri asey. Chief Minister Himanta Biswa Sarma kun Bharatiya Janata Party (BJP) nimitey charge lead kuri asey taikhan tu voter khan logotey active para engage kuri asey. Khas kurikina Muslim voter khan ke focus kurikina kun khan para etu jaga khan te jaruri impact korey. Media ke address kurikina, Sarma para koisey ki etu party laga strategy tu Muslim vote bank laga olop portion secure kuribole laga strategy asey. Aro dawa kurisey ki rajya laga adha Muslim voter khan para election khotom hoija picheyte already BJP nimitey taikhan laga vote dhaliloisey. Voting laga third phase hobole ageyte, dhyan tu Barpeta aro Guwahati nisna jaga khan te di asey. Sarma para etu jaga khan te BJP allies nimitey campaign kora te active para shamil asey koikina announce kurisey. Aro alag alag community majotey support diya laga importance janaisey. Sarma para assertion diya tu election politics laga opor asey. Tai para Barpeta te ekta rally chuli thaka homoitey Congress leader Rahul Gandhi laga tikha critique launch kurisey. Tai para Prime Minister Narendra Modi laga leadership ke Gandhi laga leadership under te ekta hypothetical scenario(situation kuntu hobole bi aro nohobole bi parey) logotey contrast kurikina, Modi laga governance under te agey bara laga kotha koisey, khas kurikina COVID-19 pandemic chuli thaka homoitey. Election ke loikina kosom kha opor te, Himanta Sarma para Women Self-Help Groups (SHGs) ke election picheyte geo-tagging zimidari dikina empower kuribole laga plan janaisey. Aro decentralization aro maiki khan laga empowerment tu BJP laga governance agenda laga jaruri principle asey koisey.