Agencies, 13 December: Saturday te 1982 World Cup hero, Paolo Rossi laga funeral toh Vicenza te lowa thakise. Paolo toh Wednesday te sal 64 te mora thakise.
Cathedral in Vicenza te khali 300 manu he thakibole deya thakise kelay koile coronavirus restrictions nemide. Hoilebe thousands manu khan para Rossi ke samaan deya toh agae din te Stadio Menti jaga te viewing room te rakhi samai te thakise. Paolo ke toh Sunday te cremate korise.
Rossi ke toh ekta best forwards nemide mana thakise aro tai 1982 World Cup in Spain te tai laga heroics nemide ektum famous ase. Tai para six goals deya para Golden Boot jeta toh top goal scorer hisaab te thakise aro player of the tournament nemide Golden Ball jeta thakise.
Etu forward toh tinta players khan majode ekta ase World Cup te sob tinta awards jeta te. Garrincha para 1962 te Mario Kempes para 1978 te jeta thakise. Rossi ke be 1982 Ballon d’Or toh European Footballer of the Year hisaab te tai laga performances nemide award howa thakise. Roberto Baggio aro Christian Vieri logode tai toh India laga top scorer ase World Cup history te total nine goal para.
Sob melikena Rossi para Italy nemide 48 par ola te 20 goals score kora thakise.
Club level te, Rossi be Vicenza nemide ekta prolific goal-scorer ase. 1976 te tai Juventus te toh Vicenza para sign kora thakise. Etu toh co-ownership deal te world recorf transfer fee nemite thakise. Vicenza para tai laga services te book kora thakise aro tai 1977 sal Serie B te top goalscorer thakise. Etu para tai laga team toh Serie A te promote howa thakise.
Next season para, Rossi para 24 goals score kora thakise. Etu para consecutive season te tai Serie B aro Serie A te top score kroa first player howa thakise. 1981 te Rossi para Juventus te tai laga debut (first par nemide ola) aro tuite Serie A title, Coppa Italia, UEFA Cup Winners’ Cup, UEFA Super Cup aro European Cup jeta thakise.
Add Comment