Agencies, 28 December: Sumit Nagal toh 2021 Australian Open nemite singles wildcard award korise. Australian Open laga website te men’s sigles nemite Asia-Pacific wildcard powa laga naam toh najai kena ase. Australian media khobor hisaab te Nagal ke toh jaga powa toh janaishe aro etu player Nagal para be social media te jaga powa toh janaikena ase.
Sunday din tweet te Naga para 2021 Australian Open te wild card pabo nemite motob deya khan sob ke dhanyabaat deya toh janaishe. Tai para be Tennis Australian ke etu wild card pabo nemite motob deya karni dhanyabaat kora janaishe. 2021 Australian Open toh February 8 te suru hobo.
Andy Murray wild-card para
Five par Australian Open finalist Andy Murray ke be ahibole sal first Grand Slam tournament nemite wild-card entry paise.
Former top-ranked murray toh ATP ranking te No. 122 te namishe. Etu agae besi sal nemite tai toh jokhom powa aro surgery nemite dukh paikena thakise.
Monday te Australian Open tournament director Craig Tiley para tai khan toh Andy ke Melbourne te welcome kora janaishe. Andy toh five par finalist ase aro tai toh besi phak matches te integral part thaka janaishe.
Australian Open rescheduled kora toh Feb. 8-21 te khelibole ase. Melbourne Park te players khan toh five khonda nemite hotai din practive koribole manibo hoilebe tai khan thaka jaga hotel rooms te ekta jaga te thakibo lakibo.
Wild card powa manu toh Australian Thanasi Kokkinakis be hoi. Tai toh jokhom powa para phal hoi ase aro tai toh 2019 U.S. Open bechae para tour match nakheli kena ase. Tai toh glandular fever nemite 2020 Australian Open te hisha lobole napar thakise.
Fellow Australians Destanee Aiava aro Arina Rodionova toh 128-women’s draw te wild cards pai kena ase.
India laga Sumit Nagal aro China laga Wang Xiya toh Asia-Pacific para wild cards pai kena ase aro tai jun toh men’s aro women’s main draw nemite ase.
Add Comment