AIZAWL: Tripura te Monday din para schools class 1 para 5 dak kuliboli ase koikena junaishe. Etu fesla toh Tripura government para state te COVID halat bhal howa nemite ase koishe. Hoilebi, students classes attend koribo nemite guardians aro parents laga permission lakibo koishe. Puila Tripura te schools classes 6 para 12 dak toh August 25 para kulikena thakishe. Tripura te schools aro kulibo nemite director of elementary education para order te janaishe. Department of elementary education laga notification hesab te students kaun khan komjor ase tai khan ke special important thikena saboli ase koishe. Students class 1 para 5 dak te students khan toh mask lagaboli compulsory ase koishe. Etu oper te school administrations logot all COVID-19 protocols toh strict te maniboli lage koikena janaishe.
Tripura te Monday din para schools soruh
