SHILLONG: Meghalaya te Tourism toh September 1 darik para aro kulibo, etu khobor toh Meghalaya chief minister Conrad Sangma para junai thishe. Meghalaya CM Conrad Sangma para koishe ke sob tourist destinations toh dosura States laga tourists nemite kula thakibo. Hoilebi, Meghalaya government para state pithor te tourists khan nemite konuba hokom ponai thishe. Etu hokom toh Thursday din Shillong te cabinet meeting thaka samai fesla loishe. Meghalaya te tourism nemite September 1 darik para full vaccine loikena thaka tourists khan ke visit koriboli thibo koishe. Etu oper te, kaun tourists vaccine lowa nai aro single dose ekla loikena thaka khan para negative RTPCR/TrueNat/CBNAAT report toh 72 gonda majot laga toh entry point te thikaboli koishe. State laga local tourists kaun full vaccine loikena ase aro sigle dose loikena thaka manuh para Meghalaya te tourism toh visit koriboli paribo koishe.
Meghalaya te tourism kulishe
