New Delhi, 10 July : Famous YouTuber-turned-actress Prajakta Koli, juntu logot “Mostly Sane” buli bhi jana jai, itu saal 2025 laga TIME 100 Creators list te jagah pai thaka prothom Indian banishey. TIME laga etu nishina list te digital dunia laga most influential voices khan ke include kora hoi, aru Prajakta Koli ekla Indian ase juntu etu prestigious list te jagah paise. Itu list te Indian-origin British podcaster, author, entrepreneur aru life coach Jay Shetty, popular YouTuber Marques Brownlee, aru content creator aru TikTok star Charli D’Amelio laga naam bhi ase.
Budh din te, Prajakta Koli nijor official Instagram handle te ekta post diya te janai dishey–tai taikan laga audience khan ke support dia karone dhanyobad janai se, aru tai laga family ke bhi thank you koise, jiman tai laga logot thaki support korise sab moment te.
Ziman khan janina, Prajakta Koli Bollywood debut koreshe film ‘Jug Jug Jeeyo’ te, juntu te Varun Dhawan, Anil Kapoor aru Kiara Advani important role te thakise. Tai Netflix laga romantic comedy series ‘Mismatched’ te Dimple Ahuja laga role pora dangor popularity pai se. itu series te Rohit Saraf, Muskkaan Jaferi, Abhinav Sharma, Kritika Bharadwaj, The Royals actor Vihaan Samat aru Roadies laga fame Rannvijay Singh bhi main role te ase.
Add Comment