National

INDIA block Saturday din ekta coordination committee rakhibo Bihar election opor

8 months ago

Patna, 12 July 2025: INDIA opposition bloc to Saturday (July 12, 2025) te ekta coordination committee meeting rakhibo, jun meeting te Bihar assembly election karone seat-sharing laga opor discuss koribo.

State te assembly election October-November te hobo. INDIA coordination committee laga etu 5 meeting hobo, aru etu meeting RJD leader Tejashwi Prasad Yadav laga leadership under te hobo.

Opposition alliance te RJD, Congress, CPI (ML), CPI, CPI (M) aru VIP ase.

Former union minister aru Rashtriya Lok Janshakti Party chief Pashupati Kumar Paras bhi Saturday te opposition combine join koribole ase.

INDIA bloc laga last coordination committee meeting, jun June 12 te rakha hoise, etu decide kora hoise ki 2020 assembly election te kun seat te 15,000 vote laga besi difference te hari se, etu seat te party aru candidate duita change kora hobo. Etu bhi decide kora hoise ki sob alliance party khan nijor laga mon thaka seat khan laga list submit koribo.

State CPI secretary Ram Naresh Pandey koise ki seat sharing opor te aji tak eku formal kotha coordination committee meeting te hoa nai. Kintu opposition bloc laga unity clear dekha jabole pare jitya CPI sob Election Commission laga Special Intensive Revision (SIR) of electoral rolls opor protest kori thakise.

VIP supremo Mukesh Sahani already opposition combine te ekta tension create korise jitya 60 seat demand korise aru deputy chief minister laga post bhi mangise. Tai etu bhi koise ki jodi Prime Minister Narendra Modi Nishad (fishermen) community ke Bihar te reservation dise, tate tai Modi karone apuni jibon bhi dibo pare, aru etu issue karone tai laga party bar bar meeting rakhi ase.

CPI (ML) bhi 40-45 seat contest koribo laga interest dikhai se. Last assembly election te, RJD 144 seat contest korise aru 75 seat jitise. Congress 70 seat contest korise, kintu khali 19 seat jitise. CPI (ML) 19 seat contest korise aru 12 seat jitise, jun ekta bhal performance thakise. CPI (ML) general secretary Dipankar Bhattacharya asha janai ase ki party ke ekta reasonable number of seat dibo.