The Hague, 12 July : Italy laga men’s cricket team itihas banaise juntu ta laga prothom ICC Men’s T20 World Cup berth confirm korikena, juntu 2026 te India aru Sri Lanka milaikena host koribo. Itu bhal khobor Friday din Sportpark Westvliet, The Hague te European Qualifiers laga final match te Netherlands logot 9 wicket te harilebi announce korise.
Itu Italy laga men’s cricket team karone ekdom nôta itihas ase—ekta senior ICC world event te taikhan prothom bar participate koribo lage ase. Itu breakthrough aise ICC Men’s T20 World Cup Europe Qualifier 2025 te, kutey Italy dangor-dangor team logot clinical performance dekhaise. Particularly, Italy Guernsey logot bhal ekta jit loi thakise aru Europe laga strongest associate teams te ekta, Scotland ke bi haraise.
Ita duita dangor jit karone Italy 2026 World Cup karone qualify kora 13th team banise. Juti Jersey earlier din te Scotland logot ekta surprise win loise, Italy laga better net run-rate karone taikhan Jersey logot same 5 points thakilebi ahead jai thakise. Italy present te world ranking te 32nd number te ase.
Itu pichete, Netherlands bi nijor qualification confirm korise. Aji kar qualification piche, aji tak 6 spot he baki ase. Itu remaining spots upcoming regional qualifiers te decide hobo—duita Africa region te, ekta Americas te, aru tinta Asia/East Asia-Pacific region te jabo.
Add Comment