Slovakia laga Mia Pohankova Wimbledon junior title jetise Julieta Pareja ke harai kena

London, 13 July 2025 : Mia Pohankova, Slovakia para Wimbledon junior title Saturday din te jeti she, United States para sixth-seeded Julieta Pareja ke 6-3, 6-1 score te harai kina. 16 years laga Pohankova No. 1 Court te dangor performance dekhai she, opponent laga serve 6 bar break kuri kena aro nejor laga first junior Grand Slam title loi jabo parise.  Pohankova laga groundstroke dangor strength thaka, footwork bhi fast thaki she. Tai Julieta ke ekdom settle hobo diya nai , sob time pressure te rakhibo. Baseline para strong shot mari kena match dominate kuri she. Eta jeet para, Pohankova duita years te Slovakia para continuous Wimbledon girls’ title winner banai she. Last year Renata Jamrichova jeet thaki she, aro ahibar Mia jeet paise. Slovakia te tennis fans khushi hoise, karone duita back-to-back win ekta pride ase. “Etu ekta dangor moment ase, karone Renata last year jeti she. Duita Slovak girls duita year  te jeti she Etu unbelievable ase Slovakian tennis karone,” Mia pohise trophy ceremony te hasi kene. Match London te full crowd samne khela hoise, aro etu logo te audience bhi Mia laga performance ke appreciate kuri she. Julieta try to kuri she, hoilae bhi Mia laga consistency aro power match te dominate kuri thaki she. Next boys’ final Sunday din hobo, aro Bulgaria para sixth-seeded Ivan Ivanov aro USA para qualifier Ronit Karki face-to-face hobo. Dunia laga tennis fans excited ase savo karone kun hobo boys’ junior champion.