Agencies:Wednesday te Assam health aro finance minister Himanta Biswa Sarma koishe aha moina para Assam te aro teenta medical colleges banabole kaam suru hubo.
Sharma koishe teenta medical colleges laga kaam toh dui teen din te sur hubo. Foundation pathor toh aha moina laga first week te laga bo. Etu medical colleges toh Kokrajhar, Nalbari aro Tinsukia te hubo.
Assam chief minister Sarbananda Sonowal January 6 te Kokrajhar Medical College te foundation pathor lagabo, January 7 te Nalbari Medical College te lagabo aro Tinsukia Medical College te January 9 te lagabo.
Sarma koishe Kokrajhar Medical College banabole laga fund toh state budget para dibo. Etu construction laga total estimate Rs 382.7 crore ase. Nalbari Medical College laga total cost toh Rs 398.31 crore hubo. NMC banabole fund toh non-lapsable central pool of resources aro state budget para abhibo. Aro Tinsukia Medical College banabole laga Karcha toh Rs 404.63 crore ase. ATC banabole laga fund toh Assam Infrastructure Financing Authority para dibo.
Teenta hospitals te 500 beds each thakibo.
Sharma koishe teenta medical colleges toh teent saal te khotom hubo.
Etuya present te choita medical colleges state te chuli ase—- Gauhati Medical College, Assam Medical College in Dibrugarh, Silchar Medical College, Jorhat Medical College, Tezpur Medical College aro Barpeta Medical College.
Etiya sob melai kena charta medical colleges under construction te ase. Sarma koishe Dhubri Medical College toh 38 percent kaam khotom hoishe, Lakhimpur Medical College toh 54 per cent kaam khotom hoishe, Nagaon Medical College te 50.94 percent kaam khotom hoishe, aro Assam Hills Medical College and Research Institute, Diphu te 74 percent kaam khotom hoishe. Government hope kuri ase ke etu 500 bisna(beds) each thaka charta medical colleges toh 2020-21 majote kaam kora suru hubo.
Sarma koishe state te 13 medical colleges bana khotom hoi jaile. MBBS course intake capacity toh 726 para 1,426 uthi jabo.
Sarma koishe notun teenta medical colleges bana para khali sector te doctors he increase kora nohoi kena Nalbari, Tinsukia aro Kokrajhar districts tebhal health care services bhi dibo.
Sharma koishe etiya tok Atal Amrit Abhiyan Scheme aro Ayushman Bharat Yojana para 23,000 manu khan lab paishe.
Add Comment