Basel, 15 July : Reigning champion England laga team Sunday din te laga pora neighbour Wales ke 6-1 te harai loise, aru Women’s Euro 2025 quarterfinal te punchi jaise. England Group D te second position loi finish kurise aru confident mood te knockout round te jai ase.
Match laga 13th minute te, Georgia Stanway ekta penalty spot pora goal marise juntu foul box te ekjon player foul korar karone diya hoise. Tai cool bhab te ball ke left corner te kick kuri gol rakhise, Olivia Clark laga outstretched hand cross kuri jaise.
8 minute pichete, Ella Toone ekta scrappy goal marise aru score 2-0 hoijai. Itu pichete, Lauren Hemp 30 minute bitore head marise aru third goal loishey. Alessia Russo laga tournament laga first goal aahi jaise half time hobo te thik aage, aru Beth Mead 72nd minute te ek defender ke cut korina side te ball slot kuri goal marise.
Wales laga fans khushi hoise jakhan Hannah Cain 76th minute te ekta goal score kuri ekta consolation goal loi aise, kintu England laga Aggie Beever-Jones 89th minute te reply kuri score 6-1 kuri finish kuri dise. England aahibo quarterfinal te Sweden logot Thursday din.
Dusra match te, Delphine Cascarino laga powerful second half performance France ke Netherlands logot 5-2 te jiti disey, juntu Group D te France ke top finish kuri disey aru quarterfinal te Germany logot July 19 te Basel te khelibo.
France 3 match te pura 9 points loi finish kurise, aru England second position te 6 points loi. England Sweden logot Zurich te July 17 te quarterfinal khelibo.
Add Comment