Agencies:Yuvraj Singh ke Indian Premier League(IPL) franchise Mubai Indians(MI) para kenishe. Action te Yuvraj laga base price toh Rs. 1 crore ase. Etu auction toh Tuesday te Jaipur te hoishe. Yuvraj koishe tai poila te biya huwa toh piche te rakhi kena IPL laga ahi bo laga season te impact kuribole taiyar ase. Mumbai mirror te Yuvraj koishe moi laga belly te jui juli ase, ami competitive hubole taiyar ase.
Yuvraj para add kuri kena koishe ami khali khilebole sake para kela nohoi. Ami khilebole mon thaka karne kheli ase. Aro ami khilebole passionate ase. etu season te moi bhal kuribole hope kuri ase. Yuvraj toh auction laga first round te sale huwa nai. Hoile bhi second round te Mumbai Indians(MI) khan para tai ke loi loishe.
Yuvraj Singh laga umar toh 37-years ase. Tai India karne cricket last June 2017 te kelishe. Yuvraj toh IPL jua season te Kings XI Punjab laga squad te thakishe. Yuvraj, Kings XI Punjab logote bhal season thaka nai. Action agote Kings XI Punjab para tai ke release kurishe.
Yuvraj franchise nimite khali atta outings he kuribo parishe aro 65 runs he score kurishe. Kings XI toh Ravichandran Ashwin para captain kuri ase. Mumbai Indians toh Yuvraj laga IPL laga 12 editions te sixth team ase. Yuvraj hope kuri ase tai, tai laga career toh bishi runs banai kena revive kuribole.
Yuvraj toh etiya tai laga career laga last te ase. Yuvraj koishe 2019 World Cup pichete tai retire kuribole decision lubo koishe.
Yuvraj pra conclusion te koishe ami 2019 World Cup pichete retire kuribo. Ami sabo moi laga life toh kuntu rasta te jabo. Etiya samay te aha laga teen-char moina toh cricket te moi karne crucial ase. Ami etu te he focus ase.
Add Comment