Mumbai, 16 July : 114 saal umr pura kori thaka long-distance runner Fauja Singh, junke duniya laga sobse dangor umr wala marathon runner hisap te mani jaay, taikhan laga desh Punjab te, Beas Pind (Jalandhar laga najdik) te ekta sadak durghatna te mori jaise. Report hesaap te, Indian-British Sikh aur Punjabi thaka Fauja Singh ke ekta identify nakora gaari hit kori dise kitia taikhan laga gaon te road cross kori thakise.
Fauja Singh ekta global icon ase jun manuh ke inspiration dise taikhan laga strength aru willpower dikhaai. 100 umr ke par kori marathon run korise aru lakh lakh manuh ke inspire korise. Taike marathon running late umr te shuru korise aru reportedly 100 te besi marathon pura korise.
Fauja Singh jon 1911 April 1 tarik te undivided Punjab laga Beas Pind te janm loi, 1994 te taikhan laga paanch number lora construction accident te mori jaa laga dukh overcome koribole taike running shuru korise. 1990s te England jaa bole immigration korise, aru 89 umr te international competitions te running start korise. Itu pichete taike international marathons te part lobo lagise. Ilford te ekta lora logot thakise, aru taikhan laga naam olop olop pura duniya te famous ho jaaise, especially 90-plus age category te record banaise.
Marathon chari aro long-distance running events te bhi Masters’ category te part lobo lagise. 100 umr te taike ek din te 8 world age group record banai dise — itu Ontario Masters Association laga special Fauja Singh Invitational Meet te, jun Toronto, Ontario, Canada laga Birchmount Stadium te hua thakise.
Taikhan laga biography “Turbaned Tornado” naam te, Britain laga House of Lords te Attlee Room te, 2011 July 7 tarik te formally release korise.
2012 te London Olympics laga torchbearer bhi thakise, aru 2015 New Year Honours te sport aru charity te laga service karone British Empire Medal (BEM) award paise.
Add Comment