Agencies:BCCI laga reliable source para PTI ke koishe India laga World Cup jeeta laga former coach Gary Kirsten aro ex-opener W V Raman laga naam Thursday te short-list kurishe. Coach Gary Kirsten toh Indian mota khan ke coach kurishe. Tai khan laga naam toh Indian maiki khan ke coach kuribole short-list kurishe. Ad-hoc laga selection committee, te former captain Kapil Dev , Anshuman Gaekwad aro Shantha Rangaswamy bhi ase. Tai khan para etu naam recommend kuri kena board ke dishe.
Sources hesab tea Gary Kristen laga appointment toh etu job nimite uncertain ase. South African toh tai laga kaam charibole etiya taiyar nai koishe. Gary Kristen etiya Indian Premier League te franchise Royal Challengers Bangalore te kaam kuri ase.
28 applicants majote dusra shortlisted candidates kun interview hoishe tai khan laga naam toh Venkatesh Prasad, Manoj Prabhakar, Trent Johnston, Dimitri Mascarenhas, Brad Hogg aro Kalpana Venkatachar ase.
Reliable sources laga khobor hesab te, teenta manu ke Board para personally interview kurishe aro pachta candidates ke Skype aro phone para interview kurishe. Etu khan majote Kristen bhi thakishe. Kirsten laga under te India laga mota team para 2011 laga world Cup jeetishe.
South African toh Indian team laga head coach teen saal karne thakishe 2008 para 2011 tok. Tai etu pichete South Africa ke 2011 para 2013 tok coach kurishe. Kristen etiya currently Indian Premier League(ISL) laga Royal Challengers Bangalore ke coach kuri ase. Ramesh Powar chara pichete BCCI maiki khan karne notun coach besari ase. Ramesh Powar toh interim coach take jua moina te tai laga kaam khotom hoishe. Etu toh controversial circumstances para khotom hoishe. Powar bhi interview dishe.
Supreme Court para Committee of Administrators (COA) appoint kurishe. Etu te chairman Vinod Rai aro former India captain Diana Edulji ase. Tai khan coach selection process nimite alag alag kaam kuri ase. Edulji toh Powar ke aha moina laga New Zealand tour tok toh thakibodibo mon thakishe. Rai para BCCI laga top brass ke fresh applications anibole encourage kurishe.
Powar laga controversial interim tenure toh November 30 te khotom hoishe. Etu toh ODI captain aro senior player Mithali Raj laga selection issue karne ase. Board toh etiya interview process suru kori kena jai ase.Powar para apply kuribole decide kora toh kitiya T20 laga captain Harmanpreet Kaur aro tai laga deputy Smriti Mandhana para former Indian Spiner ke ekdam strong para support kurishe.
Add Comment