Tokyo, 17 July : Duita Olympic medal jitithaka P.V. Sindhu Japan Open Super 750 tournament te biya performance di kene Wednesday din Tokyo te first round te eliminate hoijabo laga hoise.
30 saal laga former world champion Sindhu Korea laga Sim Yu Jin logot khelite 15-21, 14-21 te harise. Etu hoise season laga 5th first-round loss, aru etu olop dangor concern dikhai ase form te girina dekhaikene.
Match start para he Sindhu thik thak form te nathaka dekhaise — length judgement te confusion, aru unforced errors commit kurise. First game te thik-thak resistance dikhai dise, kintu Sim calm thakikene match handle kurise aru Indian shuttler upar te nijor first jeet hasil kurise.
Second game te Sindhu shuru te 1-6 piche thakise. Bhal comeback marikene 11-11 te equalise kurise, kintu pressure continue kuribo na parikene Sim full control loi jaikene straight games te match jiti luse.
Jodiho Sindhu laga struggle continue korise, dusra side para India karone bhal khobor aase. Men’s doubles pair Satwiksairaj Rankireddy aru Chirag Shetty, juntu world ranking te 15th ase, Korea laga Kang Min Hyuk aru Kim Dong Ju ke 21-18, 21-10 te haraikene second round te pahuchi luse, itu sob milai kene matro 42 minutes te.
First phase tight thaka bhi, Indian duo nijor rhythm pai jaikene second game te full domination dikhai dise — aggressive play aru sharp net work laga maddot te.
Men’s singles te Lakshya Sen bhi comfortable jeet hasil kurise. China laga Wang Zheng Xing ke 21-11, 21-18 te harai dise. World no. 18 thaka Lakshya shuru para he 11-2 lead loikene confidence te kheli thakise. Second game te Xing bishi resistance dikhai dise, kintu Lakshya laga early lead taik domination te thaka help kurise aru straight games te match close kurise.
22 saal laga Lakshya next round — Round of 16 te — ekta dangor challenge face kuribo lagibo: Japan laga 7th seed aru local favourite, Kodai Naraoka logot.
Add Comment