Divya Deshmukh, chess World Cup jitia agey mahila hoishey

Baku, 29 July : 19 saal laga Divya Deshmukh pura chess world ke surprise kori dise kitia tai FIDE Women’s World Cup 2025 jitise, aru itihass te first Indian mahila banise jun prestigious title itu jitse. All-Indian final kun, Divya laga opponent thakise legendary Koneru Humpy, junke tai Monday din rapid tie-breaks te 1.5–0.5 point te harai dise aru Baku te ekta fairytale ending likhi dise. Saturday aru Sunday te khela classical games duita tense draw te khelise, dujon player bhi elite-level performance dekhai dise. Saturday laga opening game te, Divya white pieces te khelise aru strong position build korise, kintu late te Humpy ke equalize kori dise. Sunday laga second game olob balanced thakise, hoilewi somehow hold kori loise. Kintu tie-breaks te Divya pura game ke ulta kuri dise. First rapid game draw hoi jaise, kintu second game te Humpy time pressure te bhool kori dise, aru Divya itu mistake te advantage loi loise. Strong nerves rakhikena, Divya last te jeet loise, aru 2025 Women’s World Cup champion banise. Tai India laga choutha mahila Grandmaster banise, aru desh laga 88th GM overall bhi banise. Divya laga win aro bhi dangor hisab te consider koribo lage, tie-breaks te tai underdog thakise — Humpy duibar World Rapid Champion thakise aru classical chess te world No. 5 thakise, tai expected thakise ki Humpy fast games te dominate koribo. Alag haat te, Divya FIDE women’s ranking te classical No. 18, rapid No. 22, aru blitz No. 18 te thakise. Nagpur laga etu teenager Divya laga itu win tai laga sensational rise ke confirm kori dise. Last saal tai World Junior Championship title jitise, aru 2024 Chess Olympiad te India laga gold medal team te major role play korise, tai laga board te individual gold bhi jitise.