Alex De Minaur, Washington title Jitise

Washington, 29 July : Alex de Minaur tinta championship point bachai kene Alejandro Davidovich Fokina logot ekta dramatic match te 5-7, 6-1, 7-6(3) te jit paise, aru etu laga saathe tai laga 10th tour-level title jitisey. Title jiti lua pichete, De Minaur ATP Live Rankings te 5 place upor uthikene No. 8 te pochaise, aru ATP Live Race To Turin te 2 place upor uthikene bhi 8th position te ase. Fokina bhi 7 place upor uthikene Live Rankings te Top 20 te wapis ahikene No. 19 te pochaise, aru Race To Turin te bhi 7 place upor uthikene 11th position te ahise. Final set te, De Minaur 5-4 te serve kurithaka time te 3 championship point bachaisey — kintu etu olop piche Spanish player laga serve ke 30/0 te break kuri ulta disey. Tai laga opponent laga third match point te De Minaur keble 16 millimetre dur te defeat te thakisey, kintu ekta desperate lob sideline te lagikene point aru pura match ke ulta disey kuina ATP report kurise.