Jamshedpur, 30 July : Sanan Mohammed laga second-half te mara goal te Jamshedpur FC Indian Army FT ke 1-0 te haraise, juntu 134th Durand Cup laga Group C te tai laga dosra consecutive jeet hoise. Itu match JRD Tata Sports Complex te khela hoise.
Itiya Jamshedpur FC duita match te 6 points loi group te top te ase, aru knockout stage te reach koribo khub nazdeek pohchise.
Match laga first half te Indian Army team bishi dominate korise — ball possession rakhi aru dangor-dangor chance create korise. Prothom 15 minutes andar te tai duita goal lobo pare thakise — ekbar Samir Murmu laga tight angle te mara shot far post te thik pasot chuli jai, aru dusra chance te Samananda Singh corner te header maari wide kori dise.
Jamshedpur FC Army laga physicality logot adjust koribo struggle korise, midfield te Lethaolen Khongsai aru P. Christopher Kamei laga dominance dekha paise, juntu Army laga attacking pace dictate korise.
Second half shuru te coach Khalid Jamil duita substitution korise — V P Suhair aru Nikhil Barla ke anai dise Vincy Barretto aru Pronay Halder laga jagah te — juntu attacking side te energy inject koribo karone thakise.
Finally, 52nd minute te home team Jamshedpur FC ekta long throw te start kora move te goal score korise. Karthik Choudhary ball ke danger area te head back korise, aru Sanan Mohammed ball ke chest kori expert finish dise goalkeeper Sayad Bin Abdul Kadir ke beat kori.
Itiya Jamshedpur FC strong position te ase Group C te.
Add Comment