PARIS:Agi French Defence Minister Florence Parly koishe 2015 te Charlie Hebdo te manu khan murabole modot kora French attanwadi ke arrest kurishe. French attankwadi ke Djibouti para arrest kurishe. Etiya tai ke Djibouti para France te transfer kuribole rukhi ase.
French attanwadi laga naam toh Peter Cherif ase. Tai laga umar toh 36 ase. Tai ke Abou Hamza laga naam para bhi jane. Peter toh Cherif aro Said Kouachi laga close sathi ase. Cherif aro Said Kouachi para January 7, 2015 te baro manu ke guli mari kena morai dishe. Etu ghatna toh Paris laga Charlie Hebdo te hoishe. Charlie Hebdo toh satirical publication laga office ase.
Sources para Reuters ke koishe Peter toh Sunday te arrest hoishe.
Parly para RTL radio ke koishe Peter ke dhura toh bishi bhal khobor ase. kile koile Peter toh Charlie Hobde te hamla kuribo plan kora laga hissa thakishe. Etu result para janibo para toh attank logote larai kora toh lamba action ase, hoile bhi upni committed thakile upni result pabo. Cherif aro Said Kouachi toh police para moraidishe. Tai duijon ke police para Charlie Hebdo te huwa hamla laga dui din pichete morai dishe.
Charlie Hebdo aro store hamla te bista(20) manu murishe. Etu te teenta assailants bhi thakishe.
Add Comment