July 30, 2025 NITI Aayog Sampoornata Abhiyan Samman Samaroh District Level, Kiphire loishey, Deputy Commissioner Kiphire, Temsuwati Longkumer NCS logotey, kun toh hoiley tatey Special Guest thakishey, 29th July, 2025 tey, Hopongkyu Memorial Hall, Kiphire tey.
DC para tai laga speech tey koishey ki, Kiphir eke ekta Inspirational District aru Blocks koi kena declare kuria pichetey, bishi development activity khan aru juldi para budli hoishey, jawa olop saal agetey. Tai para itu district ke urge kurishey, positive change dikhaboley alag district khan ke, kiley maney moi khan aru bhi bishi jaga khan tey achieve kuriboley aru bhi baki asey, kotey kun ke bhi pichey nachariboley lagey.
Tai para aru bhi cooperate kuriboley nimitey appeal kurishey, aru tai khan ke itu Kiphire district laga benefit khan nimitey commitment thaki kena kaam kuriboley urge kurishey. Tai para aru bhi utu manu khan ke tai laga gratitude extend kurishey, kun khan parai itya tak itu achieve kuria tey kaam kurishey.
Tai para koishey, eke logotey khara kuri kena itu mission toh agey barai kena loibo koi kena, itu Sampoornata Abhiyaan Samman Samarohl aga event toh hoiley khali ekta event hisap ekla kuri kena nachariboley koishey, itu toh hoiley India laga transform kuria laga spirit asey aru ekta salute asey, budli ana manu khan karney.
SDO Civil Kiphire (HQ), Rozy Sangtam para keynote address deliver kurishey. Sampoornata Abhiyaan Samman Samaroh opor tey khata speech khan deliver kurishey, Chief Medical Officer, Kiphire, District Education Officer, Kiphire, aru Block Program Manager, Khongsa para.
Ningsangwu ABF Khongsa Block para ekta Sampoornata report dishey. Achumla Jingru & Daniel para HoLo HeLe present kurishey.
Gorkha Baptist Church Kiphire laga Pastor- Dr. Bhim Sapkota para invocation prathana kurishey aru Lithsa para vote of thanks janaishey. Itu programme toh hoiley EAC HQ & Nodal Officer ADP/ABP, Takatemjen Pongen para chair kurishey aru itu pichetey, Aakanksha Haat launch kurishey, KTC Market Complex, Kiphire tey.
Add Comment