Jan M OlesnDecember 21 2018 2:30 AM Duita Scandinavian tourists ke morai diya laga case te aro teenta suspect arrest kurishe. Duita Scandinavian tourist ke Morocco laga Atlas Mountain te muraishe.
Danish intelligence agency koishe etu duita manu ke morai diya toh Islamic State(ISIL) logote related thakibo pare.
National security spokesman Boubker Sabik kuwa hesab te teenta notun suspects khan Marrakech te arrest hoishe.
Boubker Sabik koishe authorities khan investigate kuri as eke etu teenta manu toh attankwadi logote meli kena ase na nai. Aro dusra suspect tai khan laga list te nai koishe.
Tai khan laga naam toh Rachid Afatti, Ouziad Younes aro Ejjoud Abdessamad.
Aro dusra suspect toh Tuesday te arrest kurishe. Moroccan Prosecutor koishe etu manu toh extremist group logote meli kena ase.
Duita tourists ke murai diya nimite Morocco toh shock hoishe. Morocco toh popular tourist destination ase, aro tate foreigners khan opor te hamla huwa toh ekdam para rare ase.
Maiki Tourist khan laga bodies toh Monday te Atlas mountain te paishe.
Danish Prime Minister Lars Loekke Rasmussen koishe etu mura toh politically motivated ase.
Mr Loekke Rasmussen para murija manu khan laga identity dishe Louisa Vesterager Jespersen, Denmark para ase aro Maren Ueland Norway para ase.
Mr. Loekke koishe tai khan laga chute toh tai khan laga biya sapna hoi jaihse.
Prosecutor general statement te koishe social media te share kuri kena thaka video authenticate kuribole investigate kuri ase. Etu video toh ekta tourist ke mura laga ase.
Add Comment