London, 31 July : Actor Urvashi Rautela claim korise ki laga luxury baggage London laga Gatwick Airport te belt para chori hoi jaise, kitia olop din agey Mumbai para Wimbledon jaa thaka time te. Thursday din, Urvashi laga Instagram account te post kori, London police aru Emirates Airways ke request korise ki eneka situation ke seriously loi baggage recover koribo lagey.
Urvashi UK police, Emirates support laga Instagram account ke tag korise aru hashtag use korise – ‘platinum emirates member’ aru ‘Gatwick Airport Police’.
Urvashi laga post te social media te besi hilarious reaction ahise. Ekjon user comment korise, “First Indian to lose baggage returning from Wimbledon!” Ekjon aur comment korise, “Hope your labubus are safe!” Aru ekjon likhise, “Previously got her iPhone stolen and now Dior bag…”
Itu mahina laga shuru te, Urvashi sob manu laga attention khinchi lobo parise kitia Wimbledon championships te women’s singles final match attend korise. Tai ekta ivory colour laga midi-length dress porise, juntu te corset design thakise, kintu sob laga nazar tai laga Hermes handbag te thakise – juntu te tai ekta ekela nahoina, 4 Labubu dolls decorate korise, alag-alag colour te.
2023 te bhi, Urvashi India vs. Pakistan match attend korise aru claim korise ki tai laga 24-carat gold iPhone Narendra Modi Stadium te hari jaise. Tai Ahmedabad Stadium aru Narendra Modi Stadium laga account ke tag korise aru hashtags “Lost Phone,” “Ahmedabad Stadium,” aru “Help Needed” use korise.
Kaam laga kotha kole, Urvashi last time Daaku Maharaj film te dekhi jaise, juntu te tai Nandamuri Balakrishna logot kaam korise.
Add Comment