Lionel Messi laga Inter Miami, Atlas FC ke Leagues Cup 2025 opener te haraise

Fort Lauderdale, 1 August : Inter Miami CF laga Leagues Cup 2025 campaign dangor style te shuru hoise, juntu match te LIGA MX laga Atlas FC ke 2-1 te haraise ekta thrilling jeet te.

Midfielder Telasco Segovia Inter Miami nimite scoring suru korise, aru right-back Marcelo Weigandt stoppage time te dangor winner goal score kori jeet confirm korai dise. Captain Lionel Messi duita goal nimite assist dise, pura match te playmaker hisap te bhal khelise.

World Cup jeetise Argentine midfielder Rodrigo De Paul bhi etu match te debut korise Inter Miami laga juti te. Young midfielder Benjamin Cremaschi Club history te naam uthai dise, juntu Inter Miami laga Academy pora uthi ahise aru etu match te tai first team nimite 100 appearances complete korise.

Inter Miami laga first chance seventh minute te ahi ase, juntu time te Segovia laga ekta shot opposition laga defender te deflect kori barir upor crossbar te jai dise.

22nd minute te Messi laga through ball pora Allende dangor chance pai ase, kintu laga shot Atlas laga goalkeeper save korise.

25th minute te Inter Miami goalkeeper Ríos Novo laga acrobatic diving save Atlas forward Eduardo Aguirre laga header bachaise — ekta crucial moment thakise.

Luis Suárez stoppage time (first half) te goal maribo nalage pare. Box te volley marise, kintu crossbar te lagi jai.

Dusra half te Inter Miami laga chances aro besi hoise. 48th minute te Suárez laga powerful right-footed shot Atlas laga goalkeeper save korise. 50th minute te Ríos Novo Uros Djurdjevic laga shot save kori aro ekbar Inter Miami ke bachaise.

57th minute te Inter Miami finally first goal pai — Busquets pora ekta precise pass Messi ke dishile, aru Messi ball center te Segovia ke dise, juntu shot marise aru goal confirm korise. Segovia laga etu nonta goal hoise Inter Miami nimite, aru Messi laga etu season laga 11th assist ase.

80th minute te Atlas laga Rivaldo Lozano equalizing goal marise.

Kintu match laga last moment te Inter Miami jeet confirm korise — sixth minute of added time te Marcelo Weigandt laga goal pora match 2-1 te jeet pai loise.