US, 2 August 2025: US President Donald Trump koi ase ki duita nuclear submarine “thik jagah te rakha” karone order dise, Russia laga former president Dmitry Medvedev laga dangor dangor kotha ulta reply diye karone.
Trump koi se, “Moi enika step loisi jodi eneka ulta kotha serious hoi. Word khan important ase, aru consequence anibole pare.”
Tai koa nai ki etu submarine nuclear powered na nuclear armed ase, aru kot pathaise bhi disclose kura nai—military protocol hisap te.
Medvedev recently Trump ke warning dise jodi Russia Ukraine war ceasefire nakore, tate US side pora dangor sanctions ahibo.
Trump reporters ke koi se, “Ekta threat diya hoise, aru moi serious loise karon moi, moi laga manu khan ke protect kuribo lage.”
Russia laga government to comment kura nai, kintu Moscow stock market Trump laga kotha pichhe giri jaise.
Trump aru Medvedev social media te ek dusra ke ulta polta kotha koi thake. Trump Putin ke August 8 tak war khotom kuribole deadline dise, kintu Russia side pora response nai.
Medvedev Trump laga ultimatum ke “drama” koi thakise. Thursday te Telegram te koi se, “dead hand” warning ase—juntu military analysts bujhi se ki Russia laga nuclear strike system ke refer kurise.
Trump bhi Thursday te Medvedev ke “failed former president” koise, “dangerous territory te ghusise” koi kena warning dise.
Medvedev to Russia laga Ukraine invasion ke support kuri ase, aru West ke oppose kuri thakise.
Add Comment