Washington DC , 2 August 2025 : Trump administration UCLA University laga upor te $339 million research grant freeze kuri de she etu karone university antisemitism, affirmative action, aro women sports te discrimination laga case te civil rights law violate kuri she koi she. Department of Health and Human Services aro National Institutes of Health melai kena, dangor amount te fund suspend kuri she. Justice Department bhi koi ase ke UCLA Equal Protection Clause aro Civil Rights Act, 1964 violate kuri she, karone tai Jewish aru Israeli students ke hostile environment te rakhi dise.
Etu ekta rare case ase aro tate ekta public university ke target kuri she. National Science Foundation aro Department of Energy bhi funding suspend kuri she,aro koi ase ke UCLA race-based admission practice use kuri kena, aro white, Jewish, aro Asian American applicants ke disadvantage te rakhi dise. Transgender women ke women sports te allow kurile bhi women ke upor te discrimination ase koi.
UCLA Chancellor Julio Frenk etu decision ke “deeply disappointing” kuri kena describe kuri she aro koi ase ke etu karone hundreds of life-saving research project affect hobo pare. Tai bhi koi ase ke research funding defund kurile alleged discrimination solve nohoi.
Etu din na hoa agay te, UCLA tinta Jewish student aro ekta professor logo te $6 million settlement reach kuri she, hoilae bhi protest-related disruption karone tu university upor te civil rights violation laga case file kuri she. Protester khan Jewish student khan ke class aro campus area te jabo na dibo koi kena block kuri de she.
Trump administration Columbia University laga $200 million settlement ke model hisap te use kura laga plan ase, aro future te bhi dusra university upor te same civil rights law enforce kuri bo lay ase.
Add Comment