Russia, 2 August 2025 : Ekta dangor earthquake q6.2 magnitude tu Russia te Kuril Islands laga east side te Friday, August 1, 2025, rati 11:50 baje te (IST) te huni thaki se, National Centre for Seismology (NCS) laga report hisaab te. Earthquake tu 32 kilometre deep te huni thaki se, aro latitude 50.19°N aro longitude 159.14°E te record kuri she.
Etia laga earthquake tu Wednesday din para huni thaka ekta ekta dangor 8.8 magnitude laga earthquake peche te ahi she, aro etu tu etiya tak record thaka sixth strongest earthquake hisebe te count kuri kena rakhi she. Kremlin laga hisaab te, Russia te kunba casualty thaka nai. US Geological Survey laga data hisaab te, etu dangor earthquake pechi te already 125 para besi aftershock (magnitude 4.4 nai bishi) huni she. Etu majo te tinta aftershock tu 6.0 magnitude tu bishi thaka nai aro tati te strongest ekta 6.9 thaki she, etu tu main shock pichi te 45 minutes bhitor huni thaki se. Etu chari kena, ekta 6.4 magnitude laga aftershock Wednesday din te local time te 11 baje te continuously ahi she, main epicentre laga 200 miles southwest te bhi huni thaki se.
Experts khan koi ase ke aftershock khan usually dangor earthquake peche te tu surute din khan te bishi huni thake aro astay para kumti hoi jai she. Shallow earthquake khan beshi dangerous hoi ase etu, Karone surface te joldi punchi jai she , aro dangor shock creat kuri she, structure tu damage kuri kena, manu khan ke bhi bishi biya para effect de she. Russia laga eastern coast te huni thaka etu dangor earthquake pechi te aro, Hawaii te tsunami advisory de thaki se, eneka threat tu kumti huni she etu karone US aro Japan laga coastline te warning khan advisory te downgrade kuri de she ,CNN laga hesab te. Region etiya tak bhi seismic activity cholai ase,etu karone tai alert thaka bhal hobo.
Add Comment