Bangkok, 2 August : India laga boxing team Friday din U19 Asian Boxing Championships 2025 shuru hobar din ekta mixed performance dikhai dise. Suman Kumari nijor match jitise, kintu aru tinita boxer, bhal fight dibi bhi, nijor match harai dise juntu karone team laga result mixed hoise.
U19 Asian Boxing Championships te India laga upcoming stars khan ke chance dise nijor skill aru determination dikhai bole, Asia laga toughest opponent logot fight kori. Itu event piche te U22 Continental Championships hobo, aru India para 40 jon boxer field korise — 20 jon U19 aru 20 jon U22 — juntu te experienced champion aru domestic level te impress kora talented youngster khan milaike ase.
Morning session te, Suman Kumari Chinese Taipei laga Meng-Sin Cheng ke fully dominate kori unanimous decision te Women’s Light Flyweight (48kg) category te jitise. Itu win Indian boxing laga position Asian level te ki dangor hoijai ase itu highlight korise. Boxing Federation of India (BFI) ekta strong young team pathaise, juntu continental level te strong impact dibole try koribo.
Evening session te match continue korise. Sarthi Saini Light Middleweight (70kg) category te China laga Haosheng Zhang logot fight korise, kintu harijaise. Dusra match te Aakash Badhwar Uzbekistan laga Odilshoh Khalimov logot men’s 50kg category te 1:4 decision te harise.
Last bout te Lokesh fight korise Uzbekistan laga Norbek Abdullaev logot 80kg category te, kintu tai bhi harijaise.
India laga boxer khan laga journey itu championship te ekta important shuruaat hoise. Juntu bhi harise, tai khan bhi bhal fight dise, aru sab manu te future te India karone glory anibole potential ase. Focused preparation aru desh laga pride loi, Indian contingent itu tournament te strong start dibole try korise.
Add Comment