Dubai, 2 August : UAE host koribo Pakistan aru Afghanistan ke ekta seven-match T20I Tri-Series te, juntu August 29 para start hobo historic Sharjah Cricket Stadium te. Tinita team duibar kori ek dusra logot group-stage match khelibo, total chhoyta match hobo group-stage te. Top duita team final match khelibo September 7 din.
Tournament laga opening match August 29 te Afghanistan aru Pakistan logot hobo. Host UAE nijor campaign shuru koribo Pakistan logot August 30 te. Tar piche te, Afghanistan face koribo UAE ke September 1 te, aru Pakistan logot nijor second match khelibo September 2 te.
Pakistan aru UAE laga second match September 4 te hobo, aru tar piche te Afghanistan-UAE match hobo September 5 din.
Ei Tri-Series Pakistan, Afghanistan aru UAE karone ekta perfect preparation platform hobo upcoming ACC Asia Cup 2025 karone, juntu UAE te September 9 para shuru hobo aru eight team participate koribo.
ICC laga Future Tours Programme hisab te, Pakistan originally ei same window te Afghanistan logot ekta three-match T20I series host koribo thakise, kintu ei bar itu Tri-Series logot replace kora hoise.
ICC T20I rankings hisab te, ei tinita team majot Pakistan sobse upar te ase No. 8 position te, tar piche te Afghanistan ase No. 9 te, aru UAE ase No. 14 te.
Pakistan abhi West Indies logot ekta bilateral white-ball series khelise, aru opening match jitise. Pakistan laga Asia Cup campaign September 12 te Oman logot shuru hobo. Dusra haat te, Afghanistan juntu last T20I series Zimbabwe te last year end te khelise, tai laga Asia Cup campaign September 9 te Hong Kong logot start hobo.
Add Comment