Thiruvananthapuram, 2 August : Renowned Malayalam actor aru mimicry artist Kalabhavan Navas Friday evening te Ernakulam laga najik te thaka Chottanikkara ekta hotel room te maut hoise. Tai laga age hoise 51 saal. Initial report hisab te, tai laga death suspected cardiac arrest karone hoise koi ase.
Navas Chottanikkara te thakise tai laga upcoming film Prakambam laga shooting karone. Hotel staff hobo pora janai dise ki Friday evening te tai check-out koribo thakise shooting khotom hoar pichhite. Kintu jetiya tai response nai dise, eta hotel employee tai laga room te jai aru dekhi thakise ki tai unconscious ase. Tai turant najik te thaka hospital te loi jowa hoise, kintu doctors declare kori dise ki tai already dead on arrival ase.
Police officials confirm kori dise ki room te kunba suspicious item pai nai. Tai laga dead body etiya Chottanikkara te thaka SD Tata Hospital te rakha ase, aru post-mortem examination Saturday te hobo, tai laga family ke body hand over koribo karone.
Add Comment