Jaw biya kuri dishey, spine fracture kuri dishey: Army officer SpiceJet staff ke mari shey

Srinagar, 3 August 2025: Ekta senior army officer pra charta SpiceJet employees ke assault kuri shey Srinagar airport te jakara hoi kina over bishi cabin baggage opor te, airline pra Sunday din te koishey. SpiceJet pra koishey taikhan laka staff members severe jokom hoishey, ekta spinal fracture aro serious jaw jokom milai kina, tadeh taikhan ‘murderous assault’ koina described kuri shey. Ekta case registered kuri shey Army officer laka against te, Lieutenant Colonel Ritesh Kumar Singh koina identified, kun High Altitude Warfare School (HAWS)  Gulmarg te posted thaki shey. Hoileh b eku arrests hwa nai case te echa tak. Airline laka hisap pra, hasta toh July 26 te hoishey, check-in time te ekta Delhi-bound flight karne. Passengers, Lt Col Singh, duita cabin bags bhukhi thaki shey total 16kg kuri kina, airline laka permitted limit 7 kg laka double.