Lionel Messi injury: Inter Miami laga star League Cup miss kurivo Pumas UNAM

US, 3 August 2025: Inter Miami laga superstar aru World Cup champion Lionel Messi, League Cup laga match te Club Necaxa upor te kheli thaka time te ekta hamstring injury hoi jai she. Aro etu injury tu game laga 8th minute te hoise, enika kuri kena etu time te tu duita defender ke challenge kuri thaka time te Messi tu giri jai kena injuri hoi jai she . Tai try tu kuri she etu game tu  continue kuri bole, hoilay bhi 11th minute te tai ke substitute te rakhi bole olai jai she , aro medical trainer khan bhi ahi kena  tai laga right thigh upor area te examine kuri thaki she. Match tu 2-2 te draw hoi jai kena penalty shootout khela time te Inter Miami para jetai de she. Match te duita team bhi 10 player para kheli kena, Inter laga Maxi Falcón aro Necaxa laga Cristian Calderón tu red card paise. Game khotom hoa peche  te tu Inter Miami laga coach Javier Mascherano para koise ke Messi tu mean duk tu pa nai, hoilay bhi tai olop pull feel kuri she. Tai para koise ke Sunday din te official medical checkup kuri bo, aro tai laga injury kiman serious te ase etu jani bolae pari bo. Mascherano para koise ke, “kunba  problem khan bhi ase.” Messi laga next match te, tai laga League Cup tu group stage match te against Pumas UNAM kheli bho etu tu, August 7 te ase. Aro tai laga injury tu kiman serious ase etu tu tae laga situation upor te he depend kuri kena tai kheli bo napari koi lay bhi team te tu thakibo paribo. Grade 1 hamstring injury nimite, ekta week laga niche te thik hobo pare, specially messi para medical care recieve hoa tu aro Grade 2 aro 3 nimite dangor time lagibo, hoile bhi Messi tu nijor para he bench te wapas jai jai she, aro etu tu sign ase ke tai laga injury tu bishi dangor bhi nohoi. Messi laga fans khan official update nimite tai ke rukhi thaki she.