Josh Tongue para explain kurise England chill taka 374 runs oval test juntu India against de ase

London, 3 August 2025: Anderson -Tendulkar Trophy laga previous Test matchte , England aro India majo te Oval te kheli she, etu tu ekta dangor finish te ahibo karone kuri she. England ke series 3-1 jeeti bo karone 324 run tu lagi ase, aro India ke series 2-2 equal kuri bo karone 8 wicket tu utha bolae lage ase. India laga side para Yashasvi Jaiswal laga ekta bhal century aro Akash Deep, Ravindra Jadeja aro Washington Sundar laga fifty karone England khan  ke tu 374 run target de dise. England laga pacer Josh Tongue para koise ke eneka situation te tu Headingley te bhi hoise aro tai tu trust kuri ase ke etu run chase kuri bo paribo.  Tai koise ke, “Amar tu bishi tension ina te nai tai khan, sob bhi relax ase. Amar laga batting style tu positive aro excited ase. Juntu line-up ase, etu run chase kuri bo paribo nishna ase . Prothom 1 ghonta survive kurile, ki hobo lay ase eku najane.”  Kennington Oval laga pitch tu prothom laga din te tu seamers ke help kuri she, hoilay bhi 3rd day te suraj laga  pitch tu uthi lay bhal hobo . Tongue para koise ke, “1st te pitch tu ekta kiba thaki she, hoilay bhi heavy roller use kurile flat hoi jai. Hoilay bhi ekta ball tu aji kali jump kuri ase.”  Chris Woakes injury hoi jai kena bhi, England khan tu tinta pacers he remain hoi jai she— Tongue, Gus Atkinson aro Jamie Overton — bhal rotate kuri kena, India laga second innings te bhal bowling kuri she. Tongue 5 wicket loi kena aro koise ke first din te tu bhal nai bowled kurile lay bhi, hoilay bhi nijor laga performance te tu tai bishi khushi ase.Etu match tu ekta dangor finish te ahibo karone ase, aro etu duita team bhi jeeti bo lay laga bishi chance ase.