“Moi ekdom bekar,” koi ase Hamilton, jitu time te team-mate Leclerc pole position loi jaishe

Hungary, 2 August 2025: Lewis Hamilton nijor ke “ekdom bekar” koi dishe jitu time te tai 12th position qualify korishe Hungarian Grand Prix karone, aru taar Ferrari team-mate Charles Leclerc pole position loi jaishe. Hamilton final qualifying round tu ponchibole naparibo aru tai koi dishe ke tai pura weekend te speed pa nai. “Moi ghari bekar pora cholaishe, ki hoishe ,hoishe. Moi ekdom bekar,” koi dishe, aru tai koi dishe ke tai laka ghari performance te problem nai. Etu pole position tu Ferrari karone 2025 season laka first hoishe. Aage, Hamilton China sprint race te pole loi kima jeetishe, kintu etu bar tai 0.247 seconds pichhe ase Leclerc pora. Hamilton aji tak 12-5 pichhe ase Leclerc karone qualifying head-to-head te. Tai one-lap pace speed te problem hoi, etia season end te Mercedes te George Russell logot thaka time para etu choli ase. Tai Leclerc ke wish korishe: “Bhal hoishe team karone ke gari pole te jabo pare. Dangor congratulations Charles ke.” Leclerc pora pole position tu ola surprising hoishe. Tai aage te kitia  Hungaroring track te bhal result pa nai aru practice session te McLaren laka team pora slow thakishe. Kintu ekta sudden hawa direction change, temperature, aru humidity change hoar karone Leclerc ekta perfect lap dhori pole loi jaishe. Leclerc koi dishe: “Etu hoito mor sobse surprising pole ase.” Tai Belgium race pora gari te improvement paishe, juntu confidence di kina ai ase. Ferrari qualifying te McLaren ke haraile bi, Leclerc koi dishe ke race pace dangor factor hobo. Pani hobo pare, juntu race affect koribo pare. Oscar Piastri, juntu second te ase, aru Lando Norris, third te ase, koi dishe ke race din Leclerc hobo tai logot dangor competition.