Kolkata, 4 August : Namdhari FC laga jeet laga daur jari thakise, juntu kali Sunday din Kolkata te 134th Durand Cup te Indian Air Force football team ke 4-2 te harai dise aru Group A laga top te ula jai ase.
Match te, 7th minute te Samuel K hissa para Airmen khan laga taraf para prothom goal aise, kintu Namdhari FC turant jawab dise—Cledson Dasilva 37th minute te penalty goal disey, Amandeep Singh 45th minute te score kurise, aru second half te Dharmpreet Singh 60th minute te aru substitute Seilenthang Lotjem 74th minute te goal mark kurise, juntu te tinte point confirm hoise.
Airmen laga Sankit 78th minute te ekta goal mark kurilebi, comeback kuribole naparise, match Vivekananda Yuba Bharati Krirangan (VYBK) te khela hoise.
Itu jeet laga logot, Namdhari FC duita match te 6 point loi Group A laga top te chuli jai ase, aru upcoming Wednesday laga dangor match East Bengal logot quarterfinal te ja bole strong position te ase.
Add Comment