Singapore, 4 August : United States World Aquatics Championships Sunday din ekta dangor style te khotom korisey, juntu women’s 4×100 meter medley relay te world record bhangi dise – aru itu he last event thakise tournament laga.
American team – Regan Smith (backstroke), Kate Douglass (breaststroke), Gretchen Walsh (butterfly), aru Torri Huske (freestyle) – milaikena 3 minute 49.34 second time te race finish korise, juntu pichla record 3:49.63 (U.S.A. te 2024 Paris Olympics te bana thaka) pora 0.29 second kom ase.
Australia – juntu te Kaylee McKeown, Ella Ramsay, Alexandria Perkins, aru Mollie O’Callaghan thakise – silver medal jitisey 3:52.67 time te, aru China – Peng Xuwei, Tang Qianting, Zhang Yufei, aru Cheng Yujie thaka team – bronze medal loise 3:54.77 time te.
Lithuania laga Ruta Meilutyte Sunday din women’s 50-meter breaststroke te nijor rule continue rakhi loise, aru taikan laga fourth straight world title jitisey.
28 saal laga Meilutyte – juntu world record holder bhi ase – 29.55 second te race complete korise, juntu olopta time bhi hoile taikan laga speed aru dominance confirm korise. China laga Tang Qianting – juntu last saal Doha World Championships te bhi second thakise – etiya bhi dusra position te finish korise 30.03 second time te.
Add Comment