“Unity in Diversity” etu line to bar bar India ke describe kuribole use kora jai. Textbook, speech, aru cultural festival te etu line regular suna jai. India juntu country ase, etu te bishi language, religion, culture aru customs ase—ekdom diverse ekta desh. Kintu etu sob diversity ke milai kena ekta unity banai thaka idea to reality ase na, imagination matra ase?
History te India to alak alak civilization laga home thakise. Maurya dynasty para Mughals, aru British rule te bhi India te diverse manu eki logot thakise. Conflict aru integration duita side bhi thakise, kintu Indian civilization ekta respect for diversity mindset develop kurise. Indian Constitution bhi etu vision ke support kurise—religion, language, caste, gender nalagai kena sobke equal rights dise. India laga democratic system bhi etu unity in diversity ke foundation banai thakise.
Kintu question etu ase—practically India te unity ase naki? Reality te, India te religious intolerance, caste discrimination, language based conflict aru regional divide etya bi dekha jai ase. Identity politics ekdom common hoise—manu ke divide kuri kena vote bank politics chulai thaki ase. Religious riot, caste based violence, aru minority group ke target kora news te bar bar ahi thaki ase. Jodi unity truly ase, etu sob divide kinika thakibo?
Language bhi ekta sensitive issue ase. Hindi ke national language koi kena promote kora hoile bhi, India te 22 official language aru hundreds of dialect ase. South India aru Northeast te, Hindi imposition opor te protest aru strong reaction dekha jai thaki ase. Etu dikhai ase ki linguistic diversity ke fully accept na kuri kena ekta language ke forced unity banabole try kuri ase.
Problem diversity te nai, problem to diversity ke respect na kura te ase. Unity in diversity mane sob eki hobo nai, hoilebi differences ke respect kuri kena common identity develop kura. Kintu aji kali laga time te, “Indian identity” ke ekta narrow cultural aru religious frame te define kuribo try kora jai ase—etu to unity ke harm kurise.
India te bishi bar resilience dekha jai thakise. Inter-religious celebration, cultural exchange, mixed city life, aru democratic system te bishi example ase juntu dikhai ase ki manu unity te bhi thaki ase. Crisis time te—flood, earthquake, pandemic—India laga manu ek dusra ke help kurise, difference bhuli jaikena. Etu unity laga real face ase, headlines te bishi nai dekha jailebi.
School, college, media aru society bhi ekta role play kuribo lage. Children ke sikhai dibo lage diversity ke respect kuribole, aru harmonious story share kuribo lage. Media bhi division promote kora jagah te unity aru peace promote kuribo lage. Political leaders bhi selfish politics nalagi kena nation fiirst approach lobo lage.
Tai khan nimite, etu question—Unity in diversity to real ase na imagination ase?—etu answer clear nai. Partly etu ekta dream ase juntu achieve kuribo lage, partly etu ekta experience ase juntu daily life te dekha jai. Etu ekta ideal ase juntu protect aru nurture kuribo lage, nkhali blindly believe kura nahoikena.
“Unity in Diversity” ekta slogan te restricted thakibo na lage. Etu ekta daily practice hobo lage—policy te, attitude te, aru action te. Only then, India ekta strong aru united country hobo paribo—ekta desh juntu difference nalagi kena, ek dusra ke respect aru dignity logot jora ase.
Add Comment