Bangkok, 7 August : Neeraj (men’s 75kg), Ishan Kataria (men’s 90+kg), Yatri Patel (women’s 57kg), aru Priya (women’s 60kg) U22 Asian Boxing Championships 2025 te Bangkok, Thailand te budhbar din laga respective weight category te final round te pahunchi jabole bhal performance dikhai dise.
Neeraj, South Korea laga Kyeongho Bang ke 5:0 te harai dise, tai laga speed aru counter attack te depend kori. Itu result te Neeraj budhbar din final te pahunchan laga first Indian boxer bana. Ishan Kataria bhi final te jabi loise jetiya tai China laga Chen Chen ke third round te referee contest stop kori dise, karon Chinese boxer ekdom dominate hoijai thakise tai laga dangor body aru strong punch karone.
Yatri Patel bhi final te pahunchan laga first Indian mahila boxer hoise, Vietnam laga Thi Nhung Quand upor tai laga left-right combination punch use kori 5:0 unanimous decision loi semi-final jeetise (women’s 57kg). Tai piche, Priya bhi Uzbekistan laga Odinakhon Ismoilova upor dominating performance di women’s 60kg final te entry loi loise.
U19 aru U22 Asian Boxing Championships ekdom te chol thaka time te India laga upcoming stars khan karone eta bhal platform ase juntu te tai khan laga skill aru determination Asia laga tough opponents logot test kori ase. India 40 jon boxer pathaise — 20 jon U19 te aru 20 jon U22 te — juntu te proven champions aru domestic circuit te perform kori thaka talents khan ase.
Morning session te baki 4 jon semi-finalist te Rockey Chaudhary unlucky hoijai jabole porise jetiya referee tai ke second round te continue nokoribo dibi loise karon tai laga dui ta eyebrow upor te cut hoijai thakise Iran laga Sam Estaki logot fight diya time.
Harsh (60kg) aru Mayur (90kg) bhi nijor opponent khan logot bhal fight disey, kintu split decision te haar pai loise. Harsh 1:4 te haarise Uzbekistan laga Shohruh Abdumalikov logot, aru Mayur bhi Uzbekistan laga Shakhzod Polvonov logot fight te hare. Ankush, dusra boxer, Kazakhstan laga Sanzhar-Ali Begaliyev logot 0:5 te haarise. Itu charjon boxer khan bronze medal loi ghar ahibo.
Evening session te, Bhawna Sharma tai laga quarterfinal laga form continue nokoriparile aru Uzbekistan laga Robiyakhon Bakhtiyorova logot women’s 48kg fight te 1:4 te haarise.
Bronze medal pai finish korise Parthavi Grewal (women’s 60kg), Parnjal Yadav (women’s 65kg) aru Shruti (women’s 75kg), tai khan laga semi-final bout te haar jabole karone.
Add Comment