Mokokchung, 7 August 2025: Nagaland University laga Committee for Indigenous Traditional Knowledge (ITK-N) para 7th August 2025 te “Crafting Culture: Skills in Weaving, Crochet, Jewellery Making and Banana Fiber Art” naam para ekta One-Day Workshop organize kuri thaki she.
Etu program tu VC (I/C), Nagaland University, Professor Bendang Ao jun Chief Guest hoi kena attend kuri she aro General Manager, District Industries Centre Mokokchung, B. Asangla jun Guest of Honour thaki she.
Event tu Centre for Biodiversity Studies laga Assistant Professor Dr. Viheno Iralu para chair kuri thaki she. Program tu Department of Botany laga Assistant Professor Dr. Neizo Puro laga welcome address para suru kuri thaki she, etu ekala na hoi kena academia aro indigenous knowledge milai thaka importance ke bhi emphasize kuri thaki she.
Etu piche te Inspector, DIC Mokokchung, Renbenthung Kikon laga keynote tu address kuri she, aro local handloom industries laga economic aro cultural potential laga opor te alaga alaga point khan bhi clear kuri de she.
Chief Guest Prof. Bendang Ao bhi ekta short speech te initiative tu lauded kuri, kena university community ke traditional knowledge systems ke revive kuri bole nimite actively participate kuri bole urge kuri thaki she.
Program laga majo te M.A. 3rd Semester Sociology students para ekta special item bhi present kuri thaki she.
Guest of Honour B. Asangla laga speech te youth khan ke traditional craft making te participate kuri bole encourage kuri thaki she, aro artisans khan ke support kuri thaka government schemes bhi highlight kuri de thaki she.
Last te Department of Sociology laga Prof. Athungo Ovung para vote of thanks de kena ,Program khotom hoa piche te workshop khan bhi chulai thaki she aro etu majo te traditional aro creative art forms, jemon handloom weaving, crochet techniques, handmade jewellery aro banana fiber craft include kuri thaki she.
Etu program tu ekta platform hisebe te thaki she aro tate skill sharing, cultural exchange aro Nagaland laga rich cultural heritage te base thaka tu indigenous knowledge systems celebrate kuri thaki she.
Add Comment