Istanbul, 8 August 3025: Jennifer Lopez ke Chanel dukan te enter kuri bole diya nai, Istanbul te bhal fashion shopping kuri kena, Jennifer Lopez, ekta bishi popular superstar, Istanbul te ekta olop embarrassing situation face kuri she. August 4 te, tai Istinye Park te thaka Chanel dukan tu visit kuri bole jaise, aro etu laga situation te security guard khan para olop rude hoi kena tai ke dukan laga bhitor te bhi jabo diya nai , tai khan para kwa tu dukan tu full hoi jai she koi she etu karone gusi bo diya nai.
56 years old laga ,Lopez tu bishi polite thaki kena tai para koi she ke “Aacha eku na hoi” koi kena olop smile de kena jai jai she. Tai tu baby pink dress aro matching sunglasses tai laga outfit logo te milai laga lagi kena thaki she , aro etu logo te tai alag luxury brand laga jaga te jai kena bisi shopping kuri she. Chanel dukan khan para nijor laga mistake tu realise kuri kena, Lopez ke wapis tai khan laga store te wapas invite kuri she, hoilay bhi tai para polite way para invitation tu decline kuri de she. Etu chari kena , tai Celine aro Beymen laga dukan te ten thousand dollars laga upor spent kuri de she.
Jennifer Lopez tu Yenikapi Festival Park te performance dibole karone August 5 te Istanbul punchi she , hoilay bhi tai laga Up All Night: Live in 2025 tour laga ekta stop thaki she. Tour tu August 12 te Sardinia, Italy te end hobo. Istanbul te etu duita performance thaki she—Julai tu date 23 te Regnum Carya Resort Hotel te bhi ekta performance de kena aro tai laga birthday te bhi wate celebrate kuri she.
Tai laga Birthday khotom hoa piche te ,tai laga Instagram te tai post kuri she, aro tai likhi kena thaki she ke , “What a gift you all are! Bishi thanks de ase apni khan sop laga beautiful birthday wishes khan karone .” Tai laga Tour khotom hoa piche te, Lopez tu nijo laga musical film Kiss of the Spider Woman release kuri bole nimite busy hoi jai she. Film tu January te Sundance Film Festival te premier hoise, aro October te theatre te release hobo.
Chanel dukan laga snub toh ekta choto incident thakile bhi, Lopez laga Istanbul trip ekta stylish aro memorable experience bani de she.
Add Comment