Agencies:Senior official koishe US jaga para withdraw kuribole thakile bhi. Syrian Kurdish leaders khan President Bashar al-Assad government logote Russian-mediated deal banabole kosis kuri ase. Etu deal toh bishi important milestone mark kuribo ase. Kile koile Syria laga sob para dangor chunks saath saal larai para alag hoi kena thaka wapas melibo ase. Army khan laga haath te northwest laga olop corner he bachibole ase.
Senior Kurdish official Badran Jia Kurd Reuters ke koishe Kurdish para chola administration kun northern Syria laga bishi jaga toh cholai. Tai khan Russia te agi-kali he huwa meeting te Assad ke agreement laga roadmap dishe.
Reuters para Jia Kurd, Qamishli northern Syrian city kuwa kotha quote kuri kena koishe final decision toh Damascus logote agreement toh ase. ami khan etu kaam toh ke hoile bhi kuribo, American khan etu nimite biya paile bhi ami khan etu kaam kuribo.
Khobor hesab te roadmap laga main aims toh Turkey logote Syrian border bachabole ase.
Jua hafta Manbij te thaka manu para Syrian government ke Turkish border laga northern city toh US khan Arab desh para wapas ja pichete lubole koishe.
Jia Kurd koishe local Kurdish-led administration khan government logote cooperate kuribole taiyar ase.
Add Comment