Agencies: Officials koishe Pachta teenage chukuri murishe aro ekta mota bishi biya para jokom hoishe. Etu ghatna toh Friday te hoishe. Victims khan toh Koszalin northern polish city laga ekta ghor te escape game khile thakishe.
Interior Minister Joachim Brudzinski para broadcaster TVN24 ke koishe etu ghatna laga victims khan 15years bacha khan thakishe, chukuri khan birthday celebrate kuri thakishe.
Fire spokesman Tomasz Kubiak toh khali chukuri khan mura laga khobor he confirm kurishe. AFP ke koishe ekta mota toh bishi biya para julishe aro tai ke ICU te rakhi ase.
Local police press officer Monika Kosiec reporters ke koishe etu jokom huwa mota toh 25 years ase.
Police aro fire officials koishe etu escape room te kenika jui ulaishe etiya bhi najane koishe. Escape rooms khan duniya pura te popular ase. Etu game te khela manu khan ke room ekta te ek ghonta karne bon kuride aro tai khan room para bahar ulabole clues aro riddles laga modot loi.
Add Comment