Asia laka sobse bishi lamba mal train: Sob kotha ‘Rudrastra’ – India laka record achievement 

India, 9 August 2025: Indian Railways ekta notun record banai dishe juntu Rudrastra naam laka trial run safal hoi jaishe. Etu India aru Asia laka sobse bishi lamba mal train hoishe.

Rudrastra Ki?

Etu train laka lamba to 4.5 kilometre, juntu etia Asia laka sobse bishi lamba ase.

Etu total 354 ta wagon ase, juntu chhoita long-haul rake milai kina banai dishe, aru etu 7 ta engine pora chalai dishe.

Train laka jatra shuru hoishe Ganjkhwaja station (Pandit Deen Dayal Upadhyay Division, East Central Railway) pora aru khotom hoishe Garhwa Road station, Jharkhand te.

Etu 200 kilometre trial jatra hoishe, juntu 5 ghonta beshi time loi complete hoishe, aru average speed hoishe 40.5 km/h.

Etu Kile Important?

Rudrastra India laka freight logistics aru capacity improve koribo laka ekta dangor step hoishe.

7 ta engine bhal pora place kori dishe —duita agot, aru prottek 59 wagon laka pise ekta engine rakhi dishe —juntu pura lamba train smooth chali thakibo laka nimite.

Etu notun idea time bachaibo, resource kom lagibo, aru kaam bishi fast aru efficient kori dibo, especially jodi chhoita alag train cholai dibole thakile.

Divisional Railway Manager Uday Singh Meena etu trial ke ekta notun experiment koi dishe faster mal train transportation aru loading nimite. Taike koishe etu pora time aru kaam laka cost duita he bachaibo.

Railway Minister Ashwini Vaishnaw social media te celebrate kori dishe aru koi dishe etu hoishe “Bharat laka sobse bishi lamba mal train.”

East Central Railway koishe etu strong coordination aru bhal kaam milaike kaam kora laka ekta bhal example hoishe, aru future te cargo movement aru bhal hobo.

Summary train laka

Feature                  Details

Train laka Naam:               Rudrastra

Lamba:                 4.5 km (Asia laka sobse bishi lamba mal train)

Wagon:                354 (6 ta rake)

Engine:            7 ta

Route & Distance:            Ganjkhwaja pora Garhwa Road (~200 km)

Average Speed:                40.5 km/h

Advantage:         Time bachaibo, kom resource lagibo, bishi freight capacity

Etu achievement  dekhaishe ke Indian Railways modernize hobo lagi ase, juntu pora goods bishi joldi aru efficient hobo laka kaam koribo, juntu India laka economy laka demand fulfill koribo.